រាជធានីភ្នំពេញ៖   ​ក្រសួងយុត្តិធម៌នៅថ្ងៃទី១៩​ខែមេសា ឆ្នាំ២០១៦​បានចេញសេចក្តីប្រកាស​ព័ត៌​មាន​ពីលទ្ធផលនៃសម័យប្រជុំឧត្តមក្រុមប្រឹក្សានៃអង្គចៅក្រមលើកទី២៧​នៅថ្ងៃទី​១៩ខែ​មេសា​​ឆ្នាំ២០១៦ ក្រោមព្រះរាជាធិបតីរបស់ព្រះមហក្សត្រ​ដែលបានពិនិត្យ ពិភាក្សា​និង​អនុម័ត​នូវ​របៀប​វារៈ​ចំនួន៦។

យោងតាមក្រសួងយុត្តិធម៌មានលើកឡើងថាឯកឧត្តម អង្គ វង្សវឌ្ឍានារដ្ឋមន្រ្តីក្រសួងយុត្តិធ៌បានអានថ្វាយរបាយការណ៍ព្រះមហាក្សត្រជាព្រះប្រធានឧត្តមក្រុមប្រឹក្សានៃអង្គចៅក្រម។បោះឆ្នោតយល់ព្រមលើការសេចក្តីសម្រេចរបស់ក្រុមប្រឹក្សាវិន័យនៃឧត្តមប្រឹក្សានៃអង្គចៅក្រម។សម័យប្រជុំបានបោះឆ្នោតយល់ព្រមលើកសេចក្តីសម្រេចស្តីនិមិត្តសញ្ញា ត្រា រូបសញ្ញា សញ្ញាស័ក្តិនិងឯកសណ្ឋានគ្រប់ថ្នាក់ក្នុងពិធីបុណ្យជាតិសម្រាប់សម្គាល់ឧត្តមប្រឹក្សានៃអង្គចៅក្រមនិងអង្គការយុត្ថាធិការគ្រប់ថ្នាក់។

សម័យប្រជុំលើកទី២៧បានសម្រេចទៀតថា បោះឆ្នោតយល់ព្រមសេចក្តីសម្រេចតែងតាំងអនុប្រធានសាលាឧទ្ធរណ៍ចំនួន២រូបគឺលោក ញូង ថុល ចៅក្រមសាលាឧទ្ធរណ៍ស្នើតែងតាំងជាអនុប្រធានសាលាឧទ្ធរណ៍និងលោក ឃុន លាង ម៉េង ចៅក្រមសាលាឧទ្ធរណ៍ស្នលតែងតាំងជាអុប្រធានសាលាឧទ្ធរណ៍។អនុញ្ញាតឲ្យចៅក្រមម្នាក់បន្តការសិក្សានៅក្រៅប្រទេស២ឆ្នាំដោយរក្សាតួនាទីនិងប្រាក់ខែដដែល៕

• ក្រសួងយុត្តិធម៌
• ំ
• ឧត្តមក្រុមប្រឹក្សា