|
 |
MENU
|
|
|
|
MENU
|
កិច្ចប្រជុំកំពូល អាស៊ានរុស្ស៊ីធ្វើឡើងនៅទីក្រុង ស៊ូជី ប្រទេសរុស្ស៊ីរយៈពេលពីរថ្ងៃគឺនៅថ្ងៃទី១៩និង២០ខែឧសភា។ កិច្ចប្រជុំនេះមានអត្ថន័យទូលំទូលាយដោយសារតែបានធ្វើឡើងចំខួបគម្រប់២០ឆ្នាំថ្ងៃបង្កើតទំនាក់ទំនងអាស៊ានរុស្ស៊ី។ ព្រឹត្តិការខាងលើ នឹងជួយពង្រីកក្តីស្រម័យបង្កើតទំនាក់ទំនងយុទ្ធសាស្ត្រ នាំមកនៅសុខសន្តិភាពស្ថេរភាពនិងការអភិវឌ្ឍន៍សេដ្ឋកិច្ច សម្រាប់តំបន់អាស៊ានទាំងមូល។
អាស៊ានរុស្ស៊ី បានបង្កើតទំនាក់ទំនង នៅខែកក្កដាឆ្នា១៩៩៦។ ក្នុងរយៈពេល២០ឆ្នាំកន្លងមកនេះទំនាក់ទំនងអាស៊ានរុស្ស៊ី មានជំហានរីកចំរើនជាវិជ្ជមាននៅលើវិស័យនយោបាយ សេដ្ឋកិច្ច យោធានិងសន្តិសុខ។
អំពីទំនាក់ទំនងនយោបាយ៖ ទំនាក់ទំនងរវាងអាស៊ាននិងរុស្ស៊ីបានស៊ីជម្រៅពីមួយថ្ងៃទៅមួយថ្ងៃហើយបានពង្រីកលើគ្រប់វិស័យ ពិសេសក្រោយពេលដែលអាស៊ានក្លាយទៅជាដៃគូពេញលេញរបស់អាស៊ាននៅក្នុងឆ្នាំ២០០៦។ អាស៊ានកំពុងតែក្លាយទៅជាដៃគូដ៏រឹងមាំនៅលើឆាកអន្តរជាតិ ហើយក៏ជាដៃគូដ៏សំខាន់របស់រុស្ស៊ីផងដែរ។ កាលពីខែមិថុនាឆ្នាំ២០០៦ អាស៊ាន និងរុស្ស៊ីបានចុះហត្ថលេខារួមស្តីពីទំនាក់ទំនងដៃគូដើម្បីសន្តិភាព សន្តិសុខ ស្ថេរភាពនិងការអភិវឌ្ឍន៍នៅក្នុងតំបន់អាស៊ីប៉ាស៊ីហ្វិក។
បើទោះបីមានភាពរីកចំរើនខ្ពស់ក្តី តែទំនាក់ទំនងសេដ្ឋកិច្ចទ្វេភាគី អាស៊ានរុស្ស៊ីនៅមានកំរិតនៅឡើយ។ ក្នុងរយៈពេល១០ឆ្នាំចុងក្រោយនេះ ពាណិជ្ជកម្មរវាងរុស្ស៊ីនិងអាស៊ានគិតជាទឹកប្រាក់តែ២០ពាន់លានដុល្លារប៉ុណ្ណោះ បើទោះបីតួលេខនេះបានកើនឡើង៥ដងបើប្រៀបធៀបនិង១០ឆ្នាំដំបូង។ បើប្រៀបធៀបរវាងអាស៊ាន អាមេរិក អាស៊ានចិន អាស៊ានជប៉ុន ឬ អឺរ៉ុបនោះ ទំនាក់ទំនងសេដ្ឋកិច្ចអាស៊ានរុស្ស៊ីនៅទាប់ជាឆ្ងាយ។
នៅក្នុងកិច្ចប្រជុំនោះដោយមានការចូលរួម ពីលោក វ៉្លាឌីមៀរ ពូទីន ប្រធានាធិបតីរុស្ស៊ី ជាប្រទេសម្ចាស់ផ្ទះទទួលជំនួប និង ប្រមុខទាំង ១០រដ្ឋសមាជិកអាស៊ាន ដែលក្នុងនោះ ប្រាកដណាស់ មានទាំងកម្ពុជាផង ហើយដែលយន្តហោះ លោកនាយករដ្ឋមន្ត្រី ហ៊ុន សែន តាមការផ្សាយបន្តផ្ទាល់នៃទូរទស្សន៍រុស្ស៊ី បានចុះចតទៅហើយ នៅវេលាម៉ោង៤កន្លះរសៀលម្សិលមិញ។
តាំងពីសប្តាហ៍មុនម៉្លេះ លោកប្រធានាធិបតីរុស្ស៊ី ពូទីន បានប្រកាសថា ជំនួបកំពូល ថ្ងៃ១៩និង២០ឧសភា រវាងរុស្ស៊ី និង អាស៊ាន អាចជួយ គូភាគី ឲ្យតាំង នឹងគ្នា ជា ភាពដៃគូយុទ្ធសាស្ត្រ តែម្តង។
លោកពូទីន កត់សម្គាល់ថា ក្នុង២ទសវត្សរ៍កន្លងទៅ រុស្ស៊ីនិងអាស៊ាន បានបង្ហាញឲ្យឃើញ នូវ បទពិសោធន៍ដ៏ល្អៗ នៃសហប្រតិបត្តិការប្រកបដោយផ្លែផ្កា ក្នុងវិស័យនយោបាយ សេដ្ឋកិច្ច មនុស្សធម៌ ដែលបម្រើជាមូលដ្ឋានមាំទាំ សម្រាប់លើកទំនាក់ទំនង ឲ្យឡើងដល់ កម្រិតជា ដៃគូយុទ្ធសាស្ត្រនឹងគ្នា។
តាមការពិចារណានៃលោកប្រធានាធិបតីរុស្ស៊ី “ សហប្រតិបត្តិការនេះ បានក្លាយជាកត្តាសំខាន់ នៃ ស្ថិរភាព និងកំណើនសេដ្ឋកិច្ច នៅតំបន់អាស៊ី-ប៉ាស៊ីហ្វិក”។
ចៅហ្វាយវិមានក្រេមឡាំង ក៏បង្ហើបឲ្យដឹងដែរថា ក្នុងរបៀវារៈជំនួបកំពូល គឺមានសំណុំរឿង ក្នុង ចង្កោមយ៉ាងទូលំទូលាយ ពាក់ព័ន្ធនឹង សន្តិសុខតំបន់ ការប្រយុទ្ធទល់នឹងគ្រោះថ្នាក់ភេរវនិយម កាន់តែខ្លាំងឡើងៗ ដល់កម្រិតពិភពលោកទៅហើយ ការប្រយុទ្ធទល់នឹងពួកដៃដល់ជ្រុលនិយម ទល់នឹងឧក្រិដ្ឋកម្មឆ្លងដែន។
ចំណែកវេទិកាពាណិជ្ជ អាស៊ាន-រុស្ស៊ី គឺផ្តោតទៅលើ ចំណាត់ការឲ្យបានសក្តិសិទ្ធិ ដើម្បីពង្រីក សហប្រតិបត្តិការ ក្នុងវិស័យថាមពល ដឹកជញ្ជូន ហេដ្ឋារចនាសម្ព័ន្ធ កសិកម្ម វិទ្យាសាស្ត្រ និង បច្ចេកវិជ្ជា។
លោកពូទីន ក៏ប្រាថ្នាចង់ឃើញ ជំនួបកំពូលនេះ ហុចជា លទ្ធភាពសម្រាប់តាំងទំនាក់ទំនង នៅ តាមវិស័យណាដែលអាចប្រព្រឹត្តទៅកើត រវាង អាស៊ាន និង សហគមន៍សេដ្ឋកិច្ចអឺរ៉ុប-អាស៊ី អង្គការ ដែលនាំមុខដោយរុស្ស៊ី។
ជាការរំលឹក កិច្ចសន្ទនារវាង អាស៊ាន និង រុស្ស៊ី បានចាប់ផ្តើមកាលក្នុងឆ្នាំ១៩៩១ ពេលដែល តំណាងប្រទេសរុស្ស៊ី ត្រូវបានអញ្ជើញឲ្យចូលរួមក្នុង ជំនួបថ្នាក់រដ្ឋមន្ត្រី របស់អាស៊ាន។
លុះក្នុងឆ្នាំ ១៩៩៦ អាស៊ាន បានដំឡើង លក្ខន្តិកៈរុស្ស៊ី ដល់ឋានៈ ជាដៃគូសន្ទនា របស់ អាស៊ាន តែម្តង។ ជំនួបកំពូល អាស៊ាន-រុស្ស៊ី ត្រូវបានចាត់ចែង ឲ្យប្រព្រឹត្តទៅ ជាលើកទី១ គឺនៅរដ្ឋធានី ម៉ាឡេស៊ី ក្នុងឆ្នាំ២០០៥ ហើយលើកទី២ គឺនៅរដ្ឋធានីវៀតណាម ក្នុងឆ្នាំ២០១០៕
