ភ្នំពេញ៖  សមត្ថកិច្ចចម្រុះធ្វើការឃាត់ខ្លួនលោកតាម្នាក់ បន្ទាប់ពីរូបគាត់បានដើរលក់ចំពាម ហើយត្រូវបានអ្នក ដែលទិញពីលោកតា យកទៅបាញ់ចំជនរងគ្រោះម្នាក់ បណ្តាលឲ្យរបួស ត្រូវបានគេបញ្ជូនទៅព្យាបាលនៅ មន្ទីរពេទ្យកាល់ម៉ែត ។ ការឃាត់ខ្លួនយកមកសាកសួរនេះបានធ្វើឡើងកាល ពីវេលាម៉ោង១៦ និង៤០នាទី ថ្ងៃទី ១៤ ខែវិច្ឆិកា ឆ្នាំ២០១៦ ។

យោងតាមសេចក្តីរាយការណ៍បានឲ្យដឹងថាបន្ទាប់សមត្ថកិច្ចចម្រុះជាច្រើនមឺុននាក់់កំពុងការពារសន្តិសុខសុវត្ថភាពជូនបងប្អូនប្រជាពលរដ្ឋមកចូលរួមទស្សនាកម្សាន្តការប្រណាំងទូក (ង) ក្នុងព្រះរាជពិធីបុណ្យអុំ ទូក បណ្តែតប្រទីប សំពះព្រះខែ និងអកអំបុកស្រាប់តែមានជនរងគ្រោះម្នាក់ ត្រូវបានគេបាញ់ត្រូវគ្រាប់ចំពាមកៅស៊ូបណ្តាលឲ្យរបួសត្រូវបានគេធ្វើការបញ្ជូនទៅព្យាបាលនៅមន្ទីពេទ្យកាល់ម៉ែត។

បន្ទាប់មកកងកម្លាំងសមត្ថកិច្ចចម្រុះបានឃើញលោកតាម្នាក់បានដើរលក់ចំពាមកៅស៊ូនៅតាមផ្លូវព្រះនរោត្តម ខាងមុខ ក្រសួងឧស្សាហ៍កម្មរ៉ែនិងថាមពល ទើបសមត្ថកិច្ចធ្វើការនាំខ្លួនលោកតាខាងលើ យកមកធ្វើការសាកសួរ ទើបដឹងថា លោកតាខាងលើមានឈ្មោះ នង សាម៉ុន អាយុ៧០ឆ្នាំ មកពីឃុំសំបូរ ស្រុកសំបូរ ខេត្តក្រចេះ ដោយបានមកលក់ចំពាមក្នុងពិធីបុណ្យអុំទូក មានចំនួនសរុប៤២ចំពាម លក់បានចំនួន២០ចំពាម ហើយក្នុងមួយចំពាមគាត់លក់បានប្រាក់ចំនួន៣០០០៛ ដោយស្នាក់នៅក្នុងវត្តថាន់៕

• សមត្ថកិច្ច
• ចំពាមកៅស៊ូ
• ជនរងគ្រោះ
• បុណ្យអុំទូក