|
 |
MENU
|
|
|
|
MENU
|
ភ្នំពេញ៖ យោងតាមសេចក្តីប្រកាសរបស់ក្រសួងការបរទេសកម្ពុជាចេញផ្សាយកាលពីល្ងាចថ្ងៃទី ១៥ ខែកុម្ភៈឆ្នាំ២០១៦ បានឲ្យដឹងថាព្រះម្ចាស់ក្សត្រីយ៍មហាចក្រីសារិនថន គ្រោងនឹងមកបំពេញទស្សនកិច្ចនៅព្រះរាជាណាចក្រកម្ពុជាចាប់ពីថ្ងៃទី ២២ដល់ ទី២៤ ខែកុម្ភៈ តបតាមការយាងរបស់សម្តេចតេជោនាយករដ្ឋមន្រ្តីហ៊ុនសែន។
ក្រសួងការបរទេសបានលើកឡើងថាក្នុងពេលបំពេញទស្សនកិច្ចនេះព្រះអង្គម្ចាស់ក្សត្រីយ៍មហាចក្រីសារិនថននឹងយាងបង្គំគាល់ព្រះករុណាព្រះ មហាក្សត្រព្រះបាទសម្តេច ព្រះនរោត្តម សីហមុនីព្រះមហាក្សត្រនៃព្រះរាជាណាចក្រកម្ពុជានិងជួបជាមួយសម្តេចអគ្គមហាសេនាបតីតេជោ ហ៊ុនសែន។
សេចក្តីប្រកាសព័ត៌មានរបស់ក្រសួងការបរទេសបានបញ្ជាក់ថាសម្តេចអគ្គមហាសេនាបតីតេជោហ៊ុនសែននិងព្រះអង្គម្ចាស់ក្សត្រីយ៍មហាចក្រី សារិនថននឹងយាងនិងអញ្ជើញជាអធិបតីក្នុងព្រះរាជពិធីបញ្ចុះបឋមសិលាសាងសង់វិទ្យាស្ថានបច្ចេកវិទ្យាកំពង់ស្ពឺ នៅខេត្តកំពង់ស្ពឺ។
ក្រសួងការបរទេសបន្តថាព្រះអង្គម្ចាស់ក្សត្រីយ៍ មហាចក្រីសារិនថន និង លោក ហង់ជួនណារ៉ុន រដ្ឋមន្រ្តីក្រសួងអប់រំ យុវជននិងកីឡានឹងយាង/អញ្ជើញជាអធិបតីក្នុងព្រះរាជពិធីប្រគល់អគារប្រើប្រាស់ថាមពលពន្លឺព្រះអាទិត្យនៅវិទ្យាស្ថានបច្ចេកវិទ្យាកំពង់ឈើទាលនៅខេត្តកំពង់ធំ។
ក្រសួងការបរទេសបានអះអាងថាក្រៅពីនេះព្រះអង្គម្ចាស់ក្សត្រីយ៍មហាចក្រី សារិនថននឹងយាងចូលរួមក្នុងពិធីសម្ពោធមណ្ឌលសុខភាពនៅខេត្តរតនគីរីនិងស្លាកឈ្មោះវិថីថ្មីនៃវិទ្យាស្ថានបច្ចេកវិទ្យាកំពង់ឈើទាលនៅខេត្តកំពង់ធំ។បន្ថែមពីនេះ ព្រះអង្គម្ចាស់ មហាចក្រី សារិនថនក៍នឹងយាងទតសាលាបឋមសិក្សាមួយចំនួននៅតាមខេត្តនានា។
