|
 |
MENU
|
|
|
|
MENU
|
រាជធានីភ្នំពេញ៖ យោងតាមព័ត៌មានដែលបានផ្សាយលើបណ្តាញសង្គមហ្វេសប៊ុករបស់សម្តេចនាយករដ្ឋមន្រ្តីហ៊ុនសែនបានបញ្ជាក់ថា៖កម្ពុជាបន្តរីកចម្រើនទៅមុខ ទោះបីមានការរំខានខ្លះៗក៏ដោយ។ដោយសារប្រទេសមានសន្តិភាពពេញលេញចាប់តាំងពីឆ្នាំ ១៩៩៨ គឺបានធ្វើអោយសេដ្ឋកិច្ចជាតិរីកលូតលាស់ទៅមុខ ដែលក្នុងនោះកំណើន GDP នៅរក្សាកំណើនបាន ៧% នៅក្នុងឆ្នាំនេះ និងបន្តនៅឆ្នាំបន្តបន្ទាប់។
ហ្វេសប៊ុកបាននិយាយថាក្រោមការដឹកនាំរបស់ សម្តេចតេជោ ហ៊ុន សែន គឺបានបង្កលក្ខណៈងាយស្រួលគ្រប់យ៉ាងដល់ពាណិជ្ជករជាតិ និងអន្តរជាតិ ជាពិសេសដល់បងប្អូនប្រជាពលរដ្ឋដើម្បីមានឱកាសកាន់តែច្រើនក្នុងការអភិវឌ្ឍគ្រួសារ ក៏ដូចជាការចូលរួមអភិវឌ្ឍន៌សង្គមជាតិទាំងមូល។
កម្ពុជា នៅពេលនេះគឺជាទិសដៅវិនិយោគដ៏សំខាន់នៅក្នុងតំបន់អាស៊ាន (ASEAN)។ នៅក្នុងខែឧសភានេះ សម្តេចតេជោ នឹងអញ្ជើញទៅបំពេញទស្សនៈកិច្ចនៅប្រទេសរុស្ស៊ី(Russia) ដើម្បីរិតចំណងមិត្តភាព បង្កើនកិច្ចសហប្រតិបត្តិការ និងទាក់ទាញទេសចរណ៍ ព្រមទាំងគៀងគរអ្នកវិនិយោគទុនច្រើនថែមទៀតពីទីនោះមកវិនិយោគនៅកម្ពុជា។
សម្តេចតេជោ ហ៊ុន សែន ខិតខំបម្រើប្រទេសជាតិ និងចង់ឃើញកម្ពុជាកាន់តែរីកចម្រើនទៅមុខដែលផ្ទុយស្រឡះពីក្រុមអគតិមួយចំនួនដែលតែងតែរិះរកគ្រប់ល្បិចកលដើម្បីបង្កអស្ថេរភាពសង្គម និងបំផ្លាញសន្តិភាព៕
