រាជធានីភ្នំពេញ៖  ឯកឧត្តមឧបនាយករដ្ឋមន្ដ្រី​ ហោ ​ណាំហុង​កាលពីថ្ងៃទី២០​ខែឧសភាឆ្នាំ​២០១៦​​បាន​​​ស្នើ​ឱ្យ​អាជ្ញាធរ​ខេត្តយូណាន់ជំរុញដល់វិនិយោគិនរបស់ខ្លួន ទិញផលិតផល​កសិកម្ម​ពីកម្ពុជា បន្ថែមក្រៅពីការទិញអង្ករ កន្លង មកនិង​ទិញផលិតផល កៅស៊ូ ស្ក ម្សៅដំឡូងមី គ្រាប់​ស្វាយចន្ទី ចេក និងម្រេច បន្ថែមទៀត ទោះបីចិនបានទិញអង្ករពីកម្ពុជា១០០,០០០តោនក្នុង​១ឆ្នាំ​​ហើយ​ក៏​ដោយចុះ។

 ឯកឧត្តម​ឧបនាយករដ្ឋមន្ដ្រីបានថ្លៃងប្រាប់អ្នកកាសែតក្រោយពីជំនួបថាលោក​ក៏បាន​ស្នើ​ឱ្យ​ចិនមក វិនិយោគនៅកម្ពុជា លើវិស័យទេសចរណ៍ ហេដ្ឋារចនាសម្ព័ន្ធ និងកសិ-ឧ្សាហកម្ម​ស្បៀង ផងដែរ។ការស្នើសុំរបស់ឯកឧត្តម​ឧបនាយករដ្ឋមន្ដ្រី ហោ ណាំហុងបានធ្វើឡើងនៅ​ក្នុង​ជួប​​ពិភាក្សា​ការងារ​ជាមួយ​លោក​ចាង​បៃរូ​អនុប្រធាន​ប្រតិបត្តិ នៃគណៈកម្មាធិកា​អចិន្ត្រៃយ៍​សភា​ជន ខេត្តយូណាន់ប្រទេសចិននៅទីស្តីការ​គណៈរដ្ឋមន្រ្តីនាព្រឹកថ្ងៃទី២០ខែឧសភាឆ្នាំ​២០១៦​នេះ។

នៅក្នុងជំនួបនេះដែរលោក ចាង បៃរូ បានអញ្ជើញឯកឧត្តម​ឧបនាយករដ្ឋមន្ដ្រីហោ ណាំ​ង ចូល​រួម​កិច្ចប្រជុំពេញអង្គ ស្ដីពីការតាំងពិព័រ​ណ៏ចិន-អាស៊ីខាងត្បូងលើកទី៩​និង​ការ​តាំង​​ពិព័រណ៏មុខ​ទំនាញ​​​នាំចេញ-នាំចូលគុនមិញលើកទី២៤ដែលនឹងប្រព្រឹត្តទៅនៅថ្ងៃទី១២​ដល់​ថ្ងៃទី១៧ខែ​មិថុនា​​​ឆ្នាំ២០១៦ខាងមុខនេះ។ក្នុងកិច្ចប្រជុំពេញអង្គនេះដែរនឹងមានការចូលរួមពី​ឧបនាយក​រដ្ឋ​មន្ដ្រី​វៀតណាម ឧបនាយករដ្ឋមន្ដ្រីភូមា ​ឧបនាយករដ្ឋមន្ដ្រីថៃ ឧបនាយករដ្ឋមន្ដ្រីឡាវ ឧបនាយក​​​រដ្ឋមន្ដ្រីនេប៉ាល់ និងឧបនាយរដ្ឋមន្ដ្រីកម្ពុជា ផងដែរ។

គួរបញ្ជាក់ផងដែរថារហូត មកទល់ពេលនេះមានការឆ្លើយតមពីប្រទេស ប្រមាណ៧០ ប្រទេស រួចហើយ ដែលចូលរួមក្នុងពិព័រណ៏ចិន-អាស៊ីខាងត្បូងលើកទី៩នេះ ជាងនេះទៅទៀត ក្រសួង ពាណិជ្ជកម្មរបស់កម្ពុជា ក៏ចូលរួមក្នុងពិព័រណ៏នេះផងដែរ។

ឯកឧត្តមឧបនាយករដ្ឋមន្ដ្រី ហោ ណាំហុង ក៏បានស្នើបន្ថែមឱ្យ ខេត្តយូណាន់ បន្ដចុះ​ហត្ថ​លេខា​​លើ អនុស្សារណៈថ្មីមួយជាមួយ ខេត្តសៀមរាប និងខេត្តបន្ទាយមានជ័យ ដោយកន្លងមក​ខេត្ត​យូណាន់ បានជួយខេត្តទាំងពីរនេះ ក្នុងការធ្វើកសិដ្ឋានគំរូ និងជួយបង្រៀនកសិករដាំបន្លែ ដែល​មានទិន្នផលខ្ពស់៕

• កសិកម្ម
• ប្រទេសកម្ពុជា